2017年12月1日星期五

穴來穴對: 睇人唔順眼,眼痛un 眼都有得針?(清熱明目篇: 絲竹空 & 攢竹)

老老實實,睇人順唔順眼好見仁見智,所謂各花入各眼,不過如果閣下有眼花眼痛un眼唔舒服就真係要攪攪佢架啦!


絲竹空
又名目髎,月髎。不過筆者都係通常用絲竹空呢個名,因為聽落夠架勢堂,哈!

點解叫絲竹空?
「絲竹」,有細竹的意思,多用來形容眉毛;「空」指孔穴。呢個穴在眉尾旁邊,局部有個淺表凹陷,所以叫絲竹空。

開心大發現!
絲竹空除左可以醫眼痛,仲可以醫埋牙痛,一穴兩用,掂!
筆者認為,絲竹空屬於三焦經,呢條經循行係經過耳後腮位下頷角附近,對牙痛多少都有治療的作用。

絲竹空


攢竹
又名小竹,始光,眉頭。

點解叫攢竹?
眉如竹葉,呢個穴喺眉頭凹陷位,係陽氣攢聚集合的地方,猶如新竹,故名攢竹。

治療方面,相對於絲竹空,攢竹係以升清解表為主;當治療眉棱骨疼痛,可取攢竹穴向眉尾方向透刺可以有更好的療效。

攢竹



絲竹空
攢竹
位置
在面部,眉尾眉梢凹陷處
在面部,眉頭凹陷處,眶上切迹處
所屬經絡
三焦經
膀胱經
備註
除了可治目痛,亦可治牙痛
眉棱骨疼痛,攢竹向魚腰穴透刺更佳
功效
疏調三焦氣機,清熱泄火,平肝息風,明目止痛
疏調膀胱經氣,袪風散邪,清熱明目,通絡止痛
主治
目赤腫痛
眉棱骨疼痛


沒有留言:

發佈留言